Mau ana ngā kanohi ki ngā wāhine o Te Tii i a Ani Taurua e tu rae ki te rae ana kia Titewhai Harawira te wahine kua roa nei e paeārahi ana.
I pakaru mai tēnei take i tēra wiki tonu, i te tono a te Marae ki a Harawira kia heke iho, ahakoa tana aronga kore ki taua tono ko te tūmanako a ētahi kia mahi tahi ngā kuia, kia tutuki ai te kaupapa. Heoi mohio pū ai te whakautu a Harawira i tona taenga atu ki te kēti me te kii” kao e kore tera e mahia e au”.
He tautohe kaore i pirangitia e te Marae, engari no te pupūtanga o te riri ka whakamau atu ngā kanohi a te marea. I ngana a Pita Sharples me ētahi atu ki te whakatau i ngā riri engari auare ake.
I hāere tonu te pakanga mo te ringa o te Pirimia i te Pirimia e tatari ana i tōna waka. Ahakoa te hiahia a Kingi Taurua he tarahiti o te Marae ki te whakamutua i te raru, pai ake kia noho ia ki waho nā te mea i puta te rere i te whiu nga rōpu e rua i ētahi kupu whakaparahako.
I te mutunga iho, kaore rawa tētahi o te tokorua nei mo te heke, no reira i tae mai te Pirimia me tāna menemene, ka kihi i te wahine māro a Titewhai ka whakaeke i te Marae, kaua ko ia me Titewhai anake, engari ko ia me tētahi kāhui tara tokowhā te nui.