Kei te Marae o Kaingahoa te tāonga o te mate e takoto ana me te tatari mai a te iwi kainga kia whakaekea rātou e te motu.
E ai tētahi o āna whanaunga kia Rick Whiu, ko ia tētahi o ngā rakau nui i tō mātou nei wao i roto hoki i te hapu o Ngai Tawake ki te Waoku. Engari e mohio pū ana te hapū Ehara taua tangata i tā rātou tāonga anake.
Ko te mema paremata o taua rohe a Hone Harawira tētahi o te marea e whakaraupeka ana i ngā mahara mo Paddy Whiu, he tangata iti te korero engari he nui ngā mahi.
Ko tā Harawira, “ kua mate te mīti o te hanueti i tenei wā. Ko mātou ngā kaiporotēhi i tenei taha. I konei ngā pirihimana kei wāenganui a Paddy. I ngā wā katoa i reira a Paddy e kawe ana i te rangimarie. “
Kua puta te whakatau hei te Taite o tenei wiki nehua ai tenei uri a Tuterangi Whiu no Ngāti Porou, e ono tekau mā toru ngā tau ka mate nei. Tētahi o nga Marae ririki ki te riu o Mataraua, kei i a rātou te takinui kia hautuhia te motu.
Ko tā Harawira ko te rongo korero ko Waikato, ko Ngāti Porou me Tūwharetoa ētahi noaiho o ngā iwi ka tau atu ki reira.
Ko tā te whanau ko te aronga nui mō rātou ko te manāki tika i nga manuhiri maha ka tau atu ki reira, na te mea koira te wairua o Paddy, koia rā ano hoki te wairua o tā rātou hapu.
TIka te korero he tangata e arohanuitia e te aō Māori, a ngā rā kei te tū mai i te kitenga o te tokomaha e haere ana ki reira ki te whakahonore i ā ia he whakāturanga o te mana, o te aroha o taua tangata ra.