Ka mutu, i noho tā mātou karere a Heeni Brown ki rō Kōti ki te whai whakamarama. Kihai te Kaiwhakawā i whakāe kia whakapāhohia ngā korero i rere haere ki reira, heoi i te noho a Parker ki reira mo te katoa o te rā.
Ka tū ano ia ki mua i te aroaro o te Kōti hei te tekau o Paenga Whāwhā. Takahi ana ngā mema o te hapori, me āna kupu whakahau mā te rori matua o Kaitaia. Me tōna kōrero matua ia kia whakamutua rawa te tukino tamariki.
Ko tā te Mema Paremata mō Te Taitokerau ko Hone Harawira,ko te mea nui ko te manaaki tika i ngā tamariki ko te whakarerekē i ngā whakāro o ngā mātua katoa o te motu, Ehara te patu tamariki i te mahi tika.
Mo Fiona Lovatt, ko ia tonu te tumuaki i whakahē i tō James Parker rēhita he koni atu i te tekau tau ki muri. Ko tāna i reira i a ki te tautoko i ngā tamariki kua pā ki ēnei mahi, ko te tiaki ingā tamariki o te hapori hoki.
Hei tāna koinei te timatatanga o te huarahi whakaora i te hapori.
Whitu tekau ma rua ngā hāmene kua ūhia ki runga i a James Parker, i tēnei rā, i uru atu ia ki roto i te Kōti me te mōhio kīhai tonu kia tuku pīra noa ki te rua tekau ma Toru o ena hamene.
Ko tā Harawira kare ia i te paku whakāro mo Parker i tēnei wā, ko tāna me huri te aro o te motu ki te āta tiaki i ngā tamariki katoa o te motu.