E rua ngā wāhi kua whakaaetia kia keria e te kamupene nō Kānata e Tag Oil i roto i ngā wiki e whā, me te aha, ka whakawhānuitia pea ā rātou mahi keri ki reira. Heoi, e awangawanga ana te iwi, ka raru pea ngā arawai me ngā wāhi tapu o te takiwā.
Kei te rohe o Tāmaki Nui-ā-Rua, i raro i te tirohanga hōmiromiro ia haora o ia rā, e whaia ana te hinu e te kamupene Tag Oil.
Ko te mānukanuka o te iwi, e hia kē ngā tana para ka tukuna ki te tonga o Taranaki, ki ētahi whenua kua tohua hei pāmu para.
E puku ana ngā rae - nā runga i te tauraki kua pā ki Aotearoa, heoi, ki tā te tumu whakarae o Tag Oil, ki tā Garth Johnson, ka ngana mārika rātou kia kore ai te taiao e pākinotia rawatia.
Kairīpoata: Aroha Treacher.