I poha katoa te ākau o Mauao i ēnei kaitākaro rangatahi Māori. I whakāturia atu e rātau ō rātau pūkenga poirewa ki te marea, hēoi, i hāngai kē te tiriro ki tēnei uri o Ngā Puhi, arā ki a Rene Kapa.
Ka pōhehe te tangata kua roa nei a Rene e tākaro poirewa ana nā te koi o ōna pūkenga, hēoti, kua toru tau noa iho ia e whai ana i tēnei hākinakina.
E tino whakapono ana a Rene, nā te whakakipakipa a tana whānau ia i eke ki ngā taumata ikeike.
Ka kore ngā mahi poirewa a Rene e oti noa i konei, he whakataetae anō ka mahuta ake a te tau hou.
Nō reira, me whakairo ki te hirikapo te ingoa Rene Kapa. Kāre e kore ka rongo tonu tātou i tēnei ingoa a ngā rā kei te heke mai.
