Ko ngā tai o Kawhia Moana tonu ērā e horo ana i ngā paripari, ā, arā tonu te mahi nui a te haukainga o Ngāti Mahuta ki te tiaki i ō rātou whenua.
Hei tā Papi Te Oneha Cunningham, “Ka timata matou ki te whakato harakeke, manuka, kia kore ai e ngahoro, engari ka whakatongia, na ka kite koe ka hāere mai ngā paika, ki te tukino i te one.”
Ko raro mai i te marae o Maketū te kuaha ki ngā tai o te uru.
Nōnanahi ka whakatūria e ngā uri o Ngāti Mahuta ētahi tohu kia mutu rā anō ngā mahi takahī i ngā tupu spinifix, pingao hoki kua whakatōngia ki ngā paripari o o rātou whenua Māori kei roto i te takiwa o te kotahi kiromita mai i te marae, ēngari hei ta Horahaere Scott, kua huri taringa turi atu ētahi.
I mua i te paringa o ngā tai nui o naini rā, i takahī kē te hunga haerērē i te ara nei kei raro i ngā tai o Kawhia inaianei.
Ko Matatua te ingoa o te wāhi nei, ko Te Atai o Rongo te kaitiaki, ā, koia tēnei tana rua. E tā ngā kōrero i tana wehenga mai i tana rua nei, ae marika, ka tika, he tohu tena.
Hei tā Papi Te Oneha Cunningham, “E riri ana te kaumatua nei ki ngā mahi a tatou i tēnei wa i roto i tana moana, a, e tohu mai ana kia tatou kua e mahi peneitia.”
E wananga ana ngā uri e mau hea ana ki ngā whenua o Maketu nei, te take me he mea me aukati marika te kuaha ki ngā tai o te uru, me whai ara puta anō.