Hei whakanui i te wiki o te reo Māori, kua whai te reo irirangi o Maniapoto kia whakahuangia tikangia ai te ingoa o tō rātou taone mā te whakamahi i te tohutō ki runga i te 'ū'.
He tūāhuatanga kua whai whakaae mai, whakahē mai hoki i ērā o roto i te taone o Te Kūiti, me ngā pito maha o te motu.
Nō te Mane noaiho nei ka whakairia te tohutō ki runga o Te Kūiti, heoi kua oho i a ia ngā whakaaro o tēnā me tēnā.
He kaiwhakapaoho a Te Aturangi Stewart ki te reo irirangi Māori o Maniapoto. Nāna te kaupapa nei i whakataki, i kawe hoki ki te kaunihera ā-Rohe o Waitomo kia tuhia ai te tohu tō ki ngā tohu huarahi hei whakanui i te wiki reo Māori.
E tautoko ana te koromatua o Te Kūiti a Brain Hannah i te kaupapa me te mea ake ka noho toka mai pea te tohutō.
Hei tēnei Paraire ka tohengia e te reo irirangi o Maniapoto te whakaaro kia mau tonu ai te tohu tō, engari ka uaua pea mā ētahi te takahuri i ngā whakaāro.