He kōrero tēnēi kua puta i a David Cunliffe, i rihaina i te rangi nei mai i te turanga kaiarahi, kia watea ai te papa whakataetae i waenga i a ia me Grant Robertson e tohe nei mō taua turanga rā.
He mana nui to ngā mema Māori o Reipa i te whakataetae mō te turanga kaiarahi. E whitu o rātou pōti mema paremata, ā, e kore e kohaina noa.
Hei tā Nanaia Mahuta, “Kia patai i ngā pātai ki a raua ka poewhea raua te tautoko i ngā hiahia o te iwi Māori.”
Kua puta i a David Cunliffe te whakaaro kia noho takirua te turanga kaiarahi tuarua o te pāti, ko tētahi ma te Māori. Heoi, karekau i kitea taua kaingakau i a Grant Robertson.
Noreira ka ahu pehea ngā pōti a ngā mema Māori? I totara wāhi rua i te whakataetae kua taha, ko Meka Whaitiri me Rino Tirikatene i tautoko i a Shane Jones, ko Nanaia Mahuta me Louisa Wall i tautoko i a Cunliffe.
Kaati, ko te manako a te rōpū Māori o Reipa hei nga wiki tata nei hui tahi ai rātou me ngā kaitono mō te turanga kaiarahi, i mua tonu i te hui a Te Kaunihera Māori o Reipa hei te tekau ma waru o tera marama.