Kua puta ngā tohutohu ki te hunga nō Tāmaki Nui a Rua, me kōhua tonu te wai, whai muri i ngā raruraru maha, arā, i whati tētahi korere wai o te paipa wai matua ki te tāone, otira, kāore te wai i te pai hei inu.
Nō Manahi Paewai te maringi nui, i tōna kāinga he mīhini pai hei tātari wai, nā reira, kei te whakakīngia ngā pounamu ki te wai mā tōna whānau.
Ka haria mai he wai ki tōna māmā, he iwa tekau mā whā ngā tau te pakeke, kia kore rawa te wai poke e inu.
Kei muri i ahau ko te awa o Tāmaki he wai e whakaora ana i te tāone katoa, engari, kāore i te pai hei inu, nō reira, me whakatika te kounga o te wai i mua i te inu.
Huhua ana ngā raruraru i hua ake, i whati tētahi kōrere wai o te paipa matua o te tāone, otira, i taihatia taua paipa e tētahi mea ohorere. Nā kona, kore te wai nō te awa i taea te whakatikatika.
Heoi anō, kāore te kaunihera i te mauri tau i tēnei wā, kei te hīrere rātou i ngā paipa kia puta ai ngā wai poke.
Ka whakamātautauhia hoki te kounga o te wai, ki mua i te hikitanga ake o ngā mahi kōhua wai.