Kei te kohikohi taonga Te Rōpū Rangatahi o Rotorua hei tākoha atu ki ngā whānau i Whenuatū.
E rua tekau mā whā tāngata kua mate, ā e toru mano tāngata e noho kore kāinga ana i muri i ngā karawhiunga a Huripari Pam.
Kei te rere mai ngā koha mo ngā whānau o Vanuatu ki te tari a Te Rōpū Rangatahi o Rotorua.
E ai ki a Alan Solomon, “Ka kaha mātou i tēnei wiki ki te tari nei, kia nui ai ngā taonga, ā, hei te Rāhoroi ka hari ēnei taonga ki Kirikiriroa ma tētahi o ngā tohunga o te hāhī New Life e hari ki tētahi kaipuke ki Tāmaki Makaurau hei tēnei Rātapu.
I tipu mai te hiahia ki te hoatu koha ki ngā whānau whai muri i te taenga atu o Huripara Pam i te pō rā. Kei te awhina a Corinne Manuake i a Alan Solomon ki ēnei mahi. Nō Vanuatu tōna hoa rangatahi, ā, kei Rotorua rāua e noho ana, heoi ko ana pākeke e noho pātata ana ki Port Vila.
Rua ira rima miriona tārā ngā pūtea kua ōatihia e te kawanatanga o Aotearoa hei hapai i a Vanuatu, ā, nuku atu i te waru tekau te hunga nō Aotearoa kua hoki mai i tērā moutere.
Engari ki Rotorua nei ka nui ngā taonga hei takoha, hei tuku atu ki te tari o Te Rōpū Rangatahi o Rotorua.
Te tuatahi o ngā taonga ka haere hei tēnei Rātapu mai i Tāmaki Makaurau
