Kua whakaae atu ngā kai-whakahaere o te ASB Polyfest kia whai wāhi atu ai te rōpu Rīpeka Whero ki te hui, ki te kohikohi pūtea mā ngā iwi i Whenuatū, kua karawhiuwhiutia e te au o huripari Pam.
Ono tekau mā whā ngā kura, rua rau tekau mā whā ngā rōpū-haka, he tekau mano tauira kaihaka tēnā, ā, he iwa tekau mano kaimātakitaki ka kuhu atu ki te kaupapa.
Engari horekau e whakaae ana e Polyfest kia tū ngā pākete kohikohi pūtea a Red Cross mō ngā morehu o Vanuatu ki ngā kēti matua.
Ahakoa te whakaae a te nuinga i uiuitia e mātou kia pērā rawa te kohikohi.
Engari, nā te tono-ohorere a ētahi māngai mō Red Cross kia kohikohi ā pākete nei i ngā pūtea i konei, kua tohua e ASB Polyfest i tētahi wāhi motuhake hei kawe i te kupu o te kaupapa me te kohikohi pūtea.
I whakapā atu mātou ki te tari matua o Red Cross i Te Whanganui a Tara mō tēnei kaupapa, engari horekau anō kia whakahoki kōrero mai.
E ai ki ngā kaiwhakahaere o ASB Polyfest, hei āpōpō ka tae mai a Red Cross ki te kohikohi pūtea ki raro ki ngā whakamarumaru o tētahi whare-puni pēnei nā te momo.
