I roto i kōkorouri o te kōkoromahu o Te Whakarewarewa i Rotorua, whakatakotoria ai a Te Mauri Rangitūhāhā Kingi ki tōna okiokinga tapu.
E rima tekau mā toru ngā tau o te māngai nui nei o Te Arawa e mōhiotia whānuitia ana ko Mauriora, ka mate ohorere i te Rāmere o te wiki ka huri.
Ko tā mātou karere, ko Mere McLean tētahi i waenganui i te tini ngerongero i tae ki te uhunga i tēnei rā.
E hotu ana a Te Arawa mō te ngarohanga o Mauriora Kingi, he rangatira i riro wawe.
E au ki a Joe Harawira, "Kua ngaro haere tēnei momo tangata, te tangata e hei ana te hikoi i roto i ngā ao e rua, ā, te tuitui te whakapiri i a tāua te tangata."
Rere ana ngā reo korokī mō Mauriora, he kaiwhakawhiwhi ki ngā tohu rā huri tau a te Kuini mō ana mahi Māori. Tekau ma tahi ngā tangihanga kua pā ki tēnei rohe, koinei te rā tuarima e whakaoti ai ngā tangi hotuhotu.
Ki tā Sir Toby Curtis, "Kei te mōhio rā tatau mehemea kotahi noa iho te mate, he tūpāpaku, tokorua, he ika rua, tokotoru he Parekura, engari karekau he kupu mō tēna mate nuku atu i te Parekura, me te mea nei kua toromi te iwi."
I tēnei wā kei roto i ana tamariki e ora āna mahi, ko a rātou kupu mōna he pāpā aroha mutunga kore.
Hei tā Sir Toby Curtis, "Kei te tangi te ngākau, kāre e kore ka tangi m ngā tau e tū mai nei, ehara mōngā rā e tū mai nei, engari mō gā tau, i te mea koia tētahi tangata i tino waimaria e mātou o Te Arawa i noho mai ki te noho mai ki roto i a ia."
Nāte ope taua o Te Pakira Marae a ia i arahi ki tōna wāhi whakamutunga ki roto tonu o tōna tūrangawaewae, Whakarewarewa.