He tira nō Whakaata Māori e hoki mai ana i Iharaira whai muri i te mauherenga a Te Tauā Moana o Iharaira i tō rāua waka, he mea whakamātau ki te tomo ki te pā o Gaza.
Ko tā mātou karere a Ruwani Perera rāua ko te kaikāmera nei a Jacob Bryant i whai i te kaupapa āwhina a te hunga totohe o Pirihitia ki roto o Gaza, ki te tuku rawa āwhina.
I ngā rā nō mua mai i te tautāwhina o te ope taua nō Iharaira, ko te mahi nui a Ruwani Perera, kairipoata nō Native Affairs rāua ko Jacob Bryant ko te whakahoki mai i te pūrongo ki te kāinga.
I runga te rōpū nō native Affairds i tētahi o ngā kahupapa waka a Freedom Flotilla te tuatoru, i te wā i herea rātou e te tauā o Iharaira. I tāe mai ā rātou ripene ki Whakaata Māori i mua tonu i te korenga o rāua i kitea, i te rangona.
I toia te waka Marianne ki Ashdod inapō. I haria ngā mema o te kahupapa waka ki Tel Aviv. Ko te whakapāe a ngā māngai o Aotearoa, i kōrero rātou ki a Ruwani, ko tāna, e noho haumaru ana rātou katoa, koia hoki te karere i tukuna atu ki tōna whānau.
Ko Native Affairs te rōpū pāpāho anake i Aotearoa i tonoa e KiaoraGaza, kia hāere ngātahi me ngā rōpū pāpāho o te āo ki te whai i te whakatakanga aio. I te ngana a Flotilla te mōriroriro atu i te pātūwatawata o Iharaira ki Gaza me te hari hoki i ngā taputapu āwhina ki ngā iwi Pirihitia.
Nō te tau ruamano mā whitu, kua tū te aukatinga ō Iharaira ki roto o Gaza, hei aukati i ngā waka mau pū me te hunga terorehe.
E ai ki ngā Pirihitia, kua tahuri a Gaza ki te whare herehere nui rawa atu o te āo.
Ka tukuna atu a Ruwani rāua klo Jacob mai i Tel Aviv. Ko te tikanga ka hoki mai rāua ki te wā kainga i te whā tekau mā waru hāora.