Kua whakahōnoretia ia e te Kāwana me te Kuini o Ingarangi, heoi i te rā nei kua hoki mai a Tā Pita Sharples ki waenga i tōna iwi, i tōna whānau, i tōna hapori o Tāmaki Makaurau, kia whakanuia ai ki te aroha, me te mana rangatiratanga o te ao Māori.
Ahakoa te hōnore a te Karauna kua utaina ki runga i ōna pokohiwi, e kore e kake te mana o te tangata ki runga noa i ētahi atu, me te kī a Rangimarie Glavish o Ngāti Whātua, kua tae ia ki te teiteitanga o ngā karanga, he Tā, i roto i te ao Pākehā, engari i te ao Māori teitei atu kē te karanga Papa i te karanga Tā nei.
Akene pea mā tēnei kaupapa e tō mai ano ngā mahi tuku hōnore a te Karauna ki runga marae hei tā Rangimarie Glavish, “Me haere koe ki reira ki te Whare o te Kāwana, ā muri iho ake ka riro mai i a koe tō tika ki runga i te marae, i mua, ko ngā Kāwana Tianara o mua, āe, haere atu ana rātou ki ngā marae engari tēnei horekau kē."