Ka whai huarahi te hapori o Kawerau kia noho ai ā rātou tamariki ki te akomanga rūmaki reo tae noa atu ki ō rātou tau i te kura tuarua.
Ko Te Kura Kaupapa Māori o Te Whatatau o Pūtauaki ka tū hei wharekura whai muri i te whakaaetanga a Te Tāhuhu o te Mātauranga me Te Mana Tohu Mātauranga, kia whakaako i ngā tamariki pae tuatahi ki te tekau mā toru.
Ko Te Whatatau o Pūtauaki te kura kaupapa Māori tuatahi ki Kawerau, i tū i te tau rua mano tekau mā rua mō ngā tauira mai i te tau tahi ki te waru. Heoi nō taua wā kua tipu te hiahia kia whānui ake.
Hei tā tūmuaki, Ripeka Lessels, "Inaianei ka tāea e mātou te pupuri i ērā tamariki i roto i te kura nei, i roto i te hapori o Kawerau."
E ai ki te Tāhuhu o te Mātauranga he mahi nui kia eke ki te taumata o te Wharekura, nā te mea, me rangahau, me matapae anō te āhua o te rārangi tatau mō tauira.
Kua tutuki rā te huarahi roa, ā, ka taea e ngā mātua te whakaroa ake i te akonga o ā rātou tamariki ki te reo Māori, kia eke atu ki ngā tau o te kura tuarua. Ahakoa kua rua tekau tau tēnei kaupapa e whai ana mo rātou nō te hapori o Kawerau i whawhai kia tū tēnei whare ka noho tonu ki te pae o mahara ō koutou whawhai.