He ara i tutuki i Te Rūnanga o Ngāti Whare i tēnei rā e mahi tahi ai rātou ki Te Whare Takiura o Waiariki me Te Whare Wānanga o Wairaka hei hanga kaupapa rangahau e titiro ana ki te oranga me te hauora o ngā whare. He tūhonotanga tēnei i tū ki Tangatarua Marae, i Rotorua.
Hei tā Rapata Wiri, “Na reira kei te mahi tahi a Ngāti Whare, Te Rūnanga o Ngāti Whare, Waiariki, te kura tini o Waiariki nei me Unitec na tohunga pūtaiao ki te titiro he aha ngā mate kei te pā mai.”
E toru ngā kaupapa rangahau kei roto i tēnei tūhonotanga, ko te mea tuatahi e titiro ana ki te hauora kei roto i te whare, katahi ka rua ko te orangatanga o te whakatū whare tērā ka riro ma te rōpū kamupene nō Rotorua a WoodlaNZ me Waiariki.
Ko te tuatoru o ngā kaupapa e titiro ana ki te hauora mo ngā whānau e noho ana ki o rātou kainga ki Minginui, Te Whaiti.
Ka timata ngā kaupapa rangahau hei te tau e tū mai nei, na runga i te whakaotitanga mo ngā mahi whakarite.