Kua toka tu moana a Ngai Te Rangi kia hiki ai te Rena i Otaiti, engari e ai ki a Charlie Tawhiao, kihai pea te kaunihera a rohe o Te Moana a Toi e tautoko i a rātou.
Hei tā Tawhiao, “Ki taku titiro kei te ahua whakaae ana rātou kia waiho ki reira na te mea kua whakaae ana wetahi o ngā Iwi.”
Hei tāna, kua noho totara wāhi rua ngā Iwi e whai paanga atu ki te moana mo te Rena, a ko te putea take.
Kua hipa te whā tau nō te parekura nui o Te Rena ki Otaiti. Mai I taua wā kua whiwhi etahi Iwi pęnei i a Ngāti Ranginui me Te Arawa I te putea mai I te kamupene whakahaere o te Rena, arā ko Daina Shipping company.
E ai ki a Tawhiao, Ka hui ano rātou mena ka waihotia te Rena.
“Mena ka whakaae ana rātou ki tēra ka whiriwhiria a Ngai Te Rangi me pehea to rātou haerenga i mua i tēra.”
E whakapaetia hei te rua tekau mā ono o hui tanguru ka puta te whakatau a te kaunihera a rohe o te moana a Toi.