Kei rō kāinga haumāku ngā iwi o Minginui e noho ana, ā, kua tahuri te aro ki te Kawanatanga kia kitea ai he āwhina. I toro atu a Ripeka Timutimu ki aua iwi rā, kia rongo ai i ō rātou āwangawanga me ā rātou hiahia hoki mō te hapori.
E kī ana a Kateina Mason, e karukaru haere ana tōna whare, heoi kei hea te ringa āwhina a te kāwanatanga.
“Ko te kawana tēnā kei te nama ki ngā mea o Minginui, he tino nama ta ratou ki a matou.”
Nō ngā tau whā tekau ngā whare nei i whakatū hei tautoko i te ahumahi ngahere o kōnei.
“Kāore au e kī me papati, me homai he whare hou, he whare hou mō ngā tāngata ki roto i o rātou ahuatanga.”
E ai ki te ripoata "Minginui Village Community Health Profile, e waru tekau mā whā ngā whare i konei i Minginui. Ono tekau mā rima kei te pai hei nohonga mā te tangata, heoi te nuinga e tāmatemate ana, kua pāngia e te haumāku.
Hei tā te mangai o te Kaunihera Minginui Village a Winiata Tamaki, “We want any assistance we can get whether it’s through government, through iwi contribution, our trust, we will do what we need to. Do we specifically want it from the govt., no, but if there are opportunities we will take them on.”
Hei tā Mason, kei te kimi ringa āwhina rātou.
“Kei te pirangi tonu matou, o matou mokopuna te noho tonu I konei. Kei konei te ngahere, kei konei tea o, he nui nga mea I konei mo te hunga I konei, me te kii ae ko te kawantanga e nama ana I nga mea o Minginui.”
Hei te pō nei puta ai i a Native Affairs te roanga ake o ngā kōrero, hei te waru karaka.