Me kaua e whai wāhi atu ngā whare herehere tūmataiti ki roto i Aotearoa nei. Koinei tā Kelvin Davis o Reipa i muri i te putanga o tētahi pūrongo hou e mea ana ka tū ngā karapū whawhai ia wiki ki te whare herehere o Maungawhau.
E ai ki tētahi pūrongo hou, wiki mai, wiki atu te tūtū o ngā karapū whawhai ki te whare herehere o Mautini nā whai anō tēnei karanga a te mema mo Reipa Kelvin Davis.
“Ki taku whakaaro e koretake rawa na serco ahakoa kei roto mautini ahakoa kei roto wiri e koretake ana ratou na reira ma te kawantanga ratou e whiua ki waho o aotearoa kaua e hoki mai kapi te kuaha kei muri i a ratou.”
Heoi e ai ki te Minita Take Ture kei te noho whāiti kē noa tana titiro.
“We know that this behaviours happened at Mt Eden in the past it certainly was happening in 2008 and was subject to a 2009 report when corrections ran it.”
E ai ki tēnei pūrongo ka tū ngā whawhai kotahi te whawhai i tū ia wiki, ā, he mea whakaae ngā takahitanga ture e ngā āpiha, kāre hoki ngā āpiha i te āta tiaki i ngā mauhere, engari kē i te hianga pēnei i te purei piriota, tenei tēpu rānei.
Collins says, “It was happening because a particular group of gang leaders decided that they wanted to run it run these flight clubs they clearly took had some corrections officers at Serco who were intimidated by them or were sympathetic to them.”
Davis, “Nga mauhere i roto i a wiri e mea ana e ahei ana nga mauhere kia haere ki te patu tetahi mauhere atu ahakoa nga guards e tata rawa atu ana.”
E ai ki te Ara Poutama kei te kaha ake rātou i ngā mahi tirotiro hei whakakore i ngā āhuatanga kino i roto i ngā whare herehere.