He maimai aroha i te Kura o Ngā Puna o Waiorea i te hinganganga o te tumuaki o mua, o Ken Havil, e ono tekau mā whitu ōna tau ka mate nei. Nā Havill te pūtea whitu tekau ma rima miriona tāra i whai, kia akomanga hou ki Western Springs. Hei tā te kura ka whakamihia te tūmuaki i ngā whare hou.
Karahuia ai te hapori o Ngā Puna o Waiorea ki te poho o Ngā Oho Marae ki te whakamihi i te tōtara haemata ka hinga.
Hei tā tētahi kaiako a General Wihongi, “Ara tēnei tangata, koia te tumu herenga waka. Koia te tangata i whakawhārikihia te kōtahitanga ahakoa nō hea, ahakoa ko wai. Ko te mea pai mōna, ko ōna whainga matua kai whakanikoniko, kia whakatīnana arā, te mauri o te Tiriti o Waitangi.”
E rua tekau ma whā tau a Mr. Havill e whakaako ana ki te kura nei, ā tekau ma iwa o aua tau hei tumuaki. I raro i tona maru eke rawa ai te kura i roto i ngā tatauranga ikeike mō Aotearoa, wai hoki nānā te kura rumaki tuatahi i whakamana i raro i te Tiriti o Waitangi.
“Nānā i kohikohi i ngā pūtea whitu tekau ma iwa miriona tāra kia whakatikatika i tō tātou nei kura nā te mea ko tēnei te wāhi o te rāpihi i aua wā.”
Hei tā te kura, ko tana ōhākī ka whakairohia ki ngā akomanga hou.
“Ko tōna whakatauki he mea tapu tēna ki a ia, te whakatauki o tō tātou nei kura, whaia te manu mātauranga nō reira ko tēra tana tuara, ko tēra tōna whakaaro tuatahi, te whakaaro o ngā whakaaro he whakatinana tēra.”
I tēra tau whakangāriro atu i a i tōna tūranga. Ka waiho mai ko tōna hoa rangatira a Lorraine me a rāua tamāhine, waihoki tōna hapori whānui me ōna tauira kaimanawa.