I takarepa ngā mahere whakawātea whare. Koinā tētahi o ngā kitenga matua i puta i te rīpoata mō te waipuketanga o te taone o Te Patutātahi i te marama o Paengawhāwhāwhā.
Hei tā te heamana o te rōpū arotake i ngā whakahaere mō te awa o Rangitāiki, hei tā Michael Cullen, kāore ngā kainoho i whakamōhiotia ki ngā mōreareatanga nō mua atu i te whatinga o te pātū awa, ā, kāore hoki rātau i mārama ki ngā tikanga whakawātea whare. He tekau mā rima katoa ngā kāinga i turakihia, ka mutu, he rua rau rima tekau ngā whare i pākarukaruhia.