Tērā te kōputu makaheni pirihimana i whakaemi mai i ngā tau waru rau whitu tekau mā waru ki te iwa rau whā tekau mā rima, e kitea nei ngā mokamoka kōrero mō ngā āpiha, pārurenga, matangaro, hunga hara, hunga puta hoki i te whareherehere. I whārikihia ēnei kōrero ki te whare pukapuka o Tāmaki.
He hokinga whakamuri inā kotahi rau rima tekau ngā tau ki muri, ko te hitori me nga tikanga e mau ana ki nga pukapuka o ngā pirihimana o Aotearoa.
Ko tā te kōrero a Jason Reeve nō ancestry.com, "i ngā rā o mua i te taenga mai o te rorohiko e pēnei ana te āhua o te kōrero a te pirihimana ki ā rātou anō."
Mā te mahi tahi ka ea ai te whakaputanga mai o ēnei pārongo ki te motu whānui.
Ko tā Reeve anō, "he hononga tahitanga o Archive NZ, DIA me te ipurangi o ancestry.com. Nōreira he whānui tō mātou tirohanga ki ēnei whakaputunga ā ka whakahoungia mā te matihiko hei tirohanga mā te iwi."
Kei roto ano te ahua o ngā kōrero te here a te kawana mena me puta ki te matawhānui e noho tapu ana rānei.
Anei ā Reeve me ana whakamārama mo tōna paitukutuku, "Me whakapā atu rātou ki ancestry.com.au he paitukutuku e tāea ai rātou te kimi i ngā kōrero, he wāhanga hoki tōna e tāea ai te hunga te whakamatau mo ngā rangi tekau mā wha mo te kore utu. Kei reira ngā kohinga katoa mā rātou te tiro atu."
Anei ko tā Reeve mo ngā tino hua o ēnei kōrero, "he pārongo ēnei e tino whai hua ana e ngā whānau me ngā iwi. Kei reira ngā rīkoatatanga kia whai māramatanga te hunga mo ētahi kōrero hītiro e pā ana ki to rātou whānau pea ā i roto i tēnei wā mō ētahi Māori me ētahi atu. I ētahi wā kaore i waha atu i ēnei kōrero e o tātou tupuna nōrerira ko ētahi kōrero kua ngaro i a tātou."
E tera ano te hunga e kore mo te whakapono atu ki ngā rīkoatatanga ā ngā pirihimana.
Anei a Reeve me ana whakāro mo ngā tauhohe o te tangata, "He tauhohe to tēna to tēna. Me āta whakārohia ki tētahi kaikōhuru, ko ētahi ka kīa nei he kino te āhua, ko ētahi atu he pai ko te mea hoki he hītori e hāngai ana ki te whakapapa o tētahi whānau. Kei ā te tangata te tikanga."
Ina mo ētahi he mahi tino uaua ki te whakarongorua ki nga rīkoatangia a te ture.
I whakakōpani ai a Reeve me tēnei kōrero, "Ko tāku e whakatenatena ana ā kia tuwhera mai ko tō hinengaro, he hītori te hītori."
Ko te titiro whānui he tino tāonga ēnei kōrero hei rauemi hoki mā te hunga e rangahau ana i ngā hītori o Aotearoa nei.
