Kīhai te kura o Manukura i tū i te whakataetae Pā Whutupōro Rangatahi o te Ao whakamutunga i te tau rua mano mā rima. Hēoi, 13 tau ki muri e whitirere atu ana ētahi tauira nō te kura i te Manawatū ki Māreia whakataetae ai.
Kua whai wāhi a Selena Williams-Paap ki te kapa Wāhine U18
Hei tā Williams-Paap he mea whakatairanga i tō rāua kura, i ā Manukura, mo ngā hākinakina atu i te whutupōro me te poitarawhiti.
Kua puta ētahi kaipara angitū i a Manukura, penei i te Ōpango Māori, i a Otere Black, Mamaku Charmaine Smith rātou ko te Kaikuru Mainland Tactix, ko Brooke Leaver.
Kua tīpakohia e Pōtene Rolls-Paewai, o Ngāti Kauwhata ki te kapa Tāne U'18. Hei tāna kua whakapāpaku ia i tōna urunga mai ki te kapa nei, hēoi ko tāna aronga tuatahi ko te whakatau anō i a ia ki āna hoatākaro.
E whakarite ana ngā kapa katoa o Aotearoa mō te haere ki a Mareia, e wehi ana ngā tokorua nei ki ngā matapae huarere ō reira. Kua rongo a Rolls-Paewai mo te wera o Māreia, e matapae ana ia ka tere hiamoe haere ia, hēoi mā te whakapakari i tāna tinana e kaupare ai tāua āhuatanga. Hēoi, e āwangawanga ana a Williams-Paap, kāore ia i te tino mōhio ka pēhea ia i reira, ko te manako nui ka kore ia e tāporepore.
Ko Alyssa Mataiti te tuatoru o ngā tauira o Manukura ka whitirere atu ki Māreia, he mema ia o te kapa hanumi U18.
Nō te tau 2005 rā anō tū ai te whakataetae whakamutunga Rangatahi o te Ao, ko Aotearoa ngā toa whakaihuwaka ā mohoa nei. Ka timata te whakataetae nei ki Kuala Lumpur hei te 8 o Hereturikōkā