Ko ngā huringa te kaupapa matua i ngā rēhi i te rangi nei, whakataetae atu ai ngā kapa ā karapu ki ngā rēhi tahi mano mita te tawhiti, ki te whakataetae waka ama a Ao ki Tahiti.
Ko Tairāwhiti nō Māreikura tētahi kapa i eke tuatahi atu ki te wai, mō ngā wāhine rima tekau tau, neke atu, he tahi mano mita te tawhiti.. Wikitōria ai te kapa nei i tēnei rēhi, mā ngā hēkona e toru.
Ehara i te mea, ko ngā kaihoe pakeke anake i toa i te rangi nei, rikarika ake nei hoki ērā nō Puarenga nō Te Au Rere ki te tae ki te whiringa toa mō ngā tama i raro iho i te tekau mā iwa tau. E ono ngā kapa i tēnei rēhi, ā, i tae tuatahi mai ai rātou, 4:31.85 te wā i oti i a rātou te rēhi.
Mō te hunga mō ngā wāhine whā tekau tau neke atu, eke ai Ngā Kopara Toa nō Horouta Waka Hoe ki te whiringa toa tuatahi o te rā.
Hei āpōpō tū ai ngā whiringa toa o ēnei rēhi.
