Ko ngā Pt Chevalier Pirates ērā kua toa i te whakataetae riiki Fox Memorial ki a Glenora, ono ki te kore ngā tatau whakautunga, inanahi ki te papa tākaro tuarua ki Te Pā o Rarotonga.
Ko Matti Tuitama tērā i whakawhiwhia ki te piro tuatahi a Pirates i te meneti tuaono, ko Francis Leger tērā i kiki i te kiki turuki kia whakawhiwhia ai ki ngā tatau e rua.
Nā ngā whiu a Tāwhirimātea i raru ai ngā kapa e rua nei, whai muri i ngā haora i kaha heke te ua, he uaua te āhuatanga tākaro mā ngā kapa e rua.
Whai muri i taua whakawhitinga a Pirates i kaha ārai te kapa nei i te rārangi piro, kia toa ai i a rātou tā rātou piro tuawhā i ngā tau e ono.
Ki te whakataetae Sharman Cup, ko Bay Roskill Vikings ērā in oho hinga kore ki te whakataetae tuarua o Tāmaki Makaurau, i toa ai rātou ki a Manurewa e rātou, whā tekau mā rua ki te tekau mā ono ngā tatau.
Nā tēnei toahanga ka piki whakarunga ait e kapa ki te whakataetae tuatahi o te whakataetae riiki ARL mō te tau tākaro a tērā tau.