He tauira o Te Kura Māori o Ngā Tapuwae e kanikani ngātahi ana me ngā tauira o Te Kāreti o Hato Kentigern ki ngā waiata o te Te Rōpū Puoro Whakaū o Tāmaki, mō te Hōtaka Kanikani o Tāmaki 2018.
“He waka tēnei mō ngā kaikanikani nei ki te whakanui i te pitomata kia mōhio te Iotanga kei roto i a rātau,” te kī a Moss Patterson o Te Whare Whakaari o TOHU.
Ko tā te whakaaturanga nei a Manawa he raranga i ngā kanikani o te ao hou me ngā nekeneke o te ao haka.
He tauira a Matai Nikora (Ngāti Porou), hei tāna “I hiahia au ki te mahi i tētahi mea kori tinana me tētahi mea uaua mōku. Kaha tonu au ki te tākaro rīki, ērā momo mahi. Ko tēnei tētahi mahi rerekē mōku nō reira he hou mō tātau katoa.”
He kaupapa tenei e tūhono ana i ngā ropu rangatahi e rua mai I ngā rohe rerekē o Tāmaki makaurau.
He tauira hoki a Parehuia Afeaki (Ngāti Kahungunu, Te Rarawa), ko tāna, “Ko te whakawhanaungatanga ki ngā ahurea e rua, nō te taha Māori nō te taha Pākehā, ngā kura e rua hoki.”
Ka kīnakitia ki ngā waiata a te kaitito rongonui a Tchaikovsky, he mea whakatangi nā Te Rōpū Puoro Whakaū o Tāmaki.
“Ko te rautaki he kohikohi i ngā tangata tino mōhio ki te pūrei i ngā taonga pūoro, ki te kanikani ki te whakamana i ngā rangatahi kia tū pakari i runga i te atamira,” te kī a Patterson.
Hei te Rāhina tū ai ngā whakaaturanga whakamutunga.