Nō te ahiahi pō rā tahuna ai te whare tīni kākahu o tētahi o ngā karapu rīki kaitā i Leabank Park i Manurewa.
Ahakoa kua oti rā anō te whatinga rīki mō tēnei tau, ka raru tonu ngā Manurewa Marlins i te ahi nei. Hei tā te heamana o te karapū, hei tā Darrell Woodhouse, hei ngā marama o te raumati tū ai e te karapu nei i ētahi whakataetae Tag, ā e tūmanako ana ia ka āhei tonu rātou ki te whakamahi i te whare nei. Atu i te Tag, ka whakamahi te karapu i ngā whare mō nga whakangungu ō ngā kapa rīki, pēnei ki te kapa Tāne kātahi ka hoki anō ki te whakataetae Fox Memorial hei te tau e heke mai nei.
E whakapae ana ā Woodhouse ko te tuanui o te whare raima noa iho tērā i pā e ngā matimati o Mahuika. Nō muri tata mai o te hūnukutanga o ngā Marlins ki tētahi karapū hou i Mountfort Park i te tau 2011, turaki ai te nuinga o te whare rā. Nā whai anō kāore ētahi tino taonga i riro hei kai mā te ahi.
E tewhatewha tonu ana ngā Pirihimana, me ngā kaitiro ahi nā te aha i pakaru mai te ahi. E ai ki tētahi kaikōrero -Pirihimana, nā ngā ringa haututu, nā ngā ringa rāweke te ahi i timata.
Mēnā kei ā koe he kōrero hāpai mō ngā Pirihimana, wāea atu ki a Sam Rice nō Counties Manukau Crime Squad, (09) 261 1321.
Wāea huna rānei ki a Crimestoppers, 0800 555 111.