E whia tekau mano ngā pononga a te kapa Mate Ma'a Tonga ka whakamanamana i tā rātou kapa kia eke rāno ki te pae o angitu i te tukinga ki te kapa toa o te ao Ngā Kangarū. Otia, e hīkaka anate wairua o ngā apataki Mate Ma’a i ngā tiriti ki te tonga o Tāmaki otia, ki te wāhi nōhia ai te tokomaha o ngā kaitautoko.
E ai ki tētehi apataki, he toki ngā kaitākaro katoa o te kapa Mate Ma’a.
Ko tā tētehi atu, “He nui ake te kaha o te kapa Mate i te kapa Mate Ma’a,”
“E noho tōtara wāhi rua ana ngā whakaaro o tētehi whanau kua tatū mai tēnei whānau Tonga mai i tērā atu taha o Te Moana-tāpokopoko-a-Tāwhaki ki te tautoko ā-kanohi ki te kēmu.
“Kei te wehewehe ngā whakaaro o tēnā o tēnā o mātou, i te mea kei Ahitereiria mātou e noho ana engari, kei Tonga te whakamanawa,” te kī atu o tētehi o te whānau e noho ana ki Poipiriri.
Tōna waru tekau ōrau o te toru tekau mano tāngata ka tae atu ā-tīnana atu ki te kēmu ā te pō nei, e whakpaetia ana he kaitaunaki i te kapa Mate Ma'a, wheoi mō te hunga taunaki i kōnei, ahatia ka puta ka puta te ihu o tā rātou kapa, kāore rānei, he toa tonu rātou.
“Tāria te wā,’ te whakapae o te whānau nō Popiripi, “kī ngōku whakaro, ki te kaha te akiaki a te hunga tautoko ki te eke panuku, kei reira hoki mātou e tautoko ana.”
Ka kite rānō tātou mēnā āe rānei ka whai hua ā rātou whakatau wawe, wheoi, ahatia ngā hua, ka ngahau tonu ngā pononga hei muri o te kēmu.