Toru tekau mā ono ngā kaiwhiringa whaiti kua uru ki roto i ngā taonga reo Māori ka tū ki Te Papa, Te Whanganui a Tara hei tēnei Rāmere. Mo a rātou mahi tahi e aro nei te kaunihera roto moana o Rotorua ki te whiwhi i te tohu kāwanatanga, pērā hoki te kamupene hōtaka a Māui ko te hiahia kia toa anō rātou i te tohu reo Māori Pāpāho. Ko Ngā Tāngata Taumata Rau ko ngā kōrero mai Te Waipounamu he tāonga nō te ngakau hei tā te kaihaika o te hōtaka tā Meihana Te Huia. “Taku rongo atu i whai tūranga te kaupapa o ngā tāngata taumata rau ki roto i ngā whiringa whaiti, Koa katoa te ngākau”. Ko rātou tētahi o ngā whiringa whaiti toru tekau mā ono mo ngā tohu reo Māori. Mo te kaunihera roto moana o Rotorua kua uru rātou ki te wāhanga kāwanatanga na runga i o rātou mahi hiki i te reo Māori. “He hōnore nui tēnei mōhio ana mātou kua timata noa iho mātou i tēnei haerenga, he wawata, kāre anō kia tutuki, he maha ngā mahi kei te haere tonu i roto i te kaunihera, kia tautoko i te reo i roto i te hapori i roto hoki i te kaunihera” Gina Rangi o te kaunihera roto moana o Rotorua. Kotahi rau, rima tekau ngā kaitono i tukuna atu ki te Taura Whiri i te reo Māori, koinei te maha o ngā tono kua uru ki roto atu i te orokohanga o tēnei kaupapa i te tau rua mano mā wha. “Kia mōhio ai tātau ehara te iwi i te iwi whai i ngā kaupapa ōrite kei tēnā, kei tēnā ō ngā iwi ōna ake whakahaere”. Ka tū ngā whakanuitanga ki Te Whanganui a Tara hei tēnei Rāmere.
Regional | Awards
