He kura e mōhiotia whānuitia mō te rīki, heoi nō ngā rangi tata kua whai wāhi te Wharekura o Rakaumanga ki te whutupōro takiwhitu i te whakataetae Condor Sevens i raro i te tekau mā rima tau.
Nā te korehanga o te kāreti o Rangitoto i tono atu mā Rakaumanga te āputa e whakakapi.
Te Wharekura o Rakaumanga prepare for a match at the Condor 7s. Photo/File.
Ka tākaro rīki te nuinga o ngā tauira o Rakaumanga, nā whai anō i āhua raru rātou i te whakataetae nei. Hei tā Kono-Paapita Pene-Gestro, 14, "ko tētahi o ngā tino panonitanga nui me whaiwhai haere koe i te pōro, kāore koe mō te noho ki te rāina."
Nō tēnei wiki tonu i mōhio te kura rīki nei ka whai wāhi atu rātou ki te whakataetae takiwhitu ā kura kaitā o te motu, arā ngā Condor Sevens a he whā rā noaiho i riro i a rātou kia whakarite. E ai ki a Te Umuariki Heremia-Tukere, 14, "i āhua ako mai te māhita ki a mātou ngā ture. Kāore i tino ea ngā mahi i roto i te whā ngā rā," ko tētahi ō ngā āhuatanga i tino e rātou ko te paraketu.
Te Wharekura o Rakaumanga practicing a move. Photo/File
Heoi, kāore i oti ngā raru o te kapa i reira, kāore anō ngā mahi ā kura kia oti. Hei tā Heremia-Tukere anō, "te whakamātatau tuatahi o te tau tekau mā tahi, kātahi ka haere mai, piki ki te waka haere mai ki te whutupōro ki roto i ō rātou nama tahi ka tahi ka tae mai ki tēnei kuhu i ngā kakahu whutupōro."
Ahakoa ka hoki kiri hāunga te kapa nei ki te kainga, kei te hiahia rātou ki te hoki atu hei tērā tau, ka mutu he whakahau tā Heremia-Tukere ki ngā kura Māori katoa, “Kaua e mataku. Kaua e mataku, hāere Māori mai, hoki Māori atu kātahi ka ea ngā mahi.”