Ko "Tao Kinjitanaka" he whakaari reo-rua nā Te Wharekura o Rakaumangamanga e haere nei i te motu, e whakahāngai ana i ngā kōrero o te Kingitanaga ki ngā reanga o nāianei.

He kōrero ō mua, he taera hou, arā, kei te whakakōrerotia te whakapapa o te Kīngitanga ki te papa ngahau.

Ko Ora Kihi te kaitohutohu, hei tāna, “He mea nui mā tātau kia hoki anō ki ngā rohe katoa, nā rātau ngā rangatira nei pēnei i a Te Kani a Takirau”.

Ko te ahurea o ngā toa Samurai hei whakataurite atu ki ngā toa Māori.

Hei tā Ora Kihi, “E rata ana ngā tamariki ki ēnei āhuatanga, mēnā e rata ana ngā tamariki ki te āhuatanga, ka mārama rātau ki te kōrero”.

I reira a Manaia Aupouri o Te Kura Kaupapa Māori o Ngā Uri a Māui e mātaki ana, hei tāna, “Ahakoa e he whakatairite ki ngā iwi o Asia, e hāngai pū tonu ana ki te reo Māori katoa".

Ka whakaatuhia te haere a Mātene Te Whiwhi ki ngā iwi o te motu, i a ia tono atu ki ngā rangatira maha kia tū hei māngai mō te Kīngitanga, ka tau ki a Pōtatau Te Wherowhero o Waikato.

He kaiwhakaari a Te Korama Kihi, hei tāna, “Pai ēnei mahi ki au i te mea he kōrero he ako he whai wheako”.

He whakaari a Tuteari Te Rauna-Lamont e whakatinana i a Te Kani a Takirau o Ngāti Porou, “I tae mai te tono ki a Te Kani, kia hoki atu ki te rohe o Waikato kia tū hei Kīngi, engari ko tōna whakautu ehara tōku maunga i te maunga nekeneke”.

He whakaari ka tū ia tau ki Te Wharekura o Rakaumangamanga, he rerekē te taera ia tau, ka mutu ko te wā tuatahi ki rohe kē.

He kaiwhakaari a Maapihi Rapana hei tāna, “Kua huihui mai nō kura atu, kua noho tahi ki te whakaputa i tēnei whakaari”.

“Tino miharo, pai, pai te kite ngā hoa o roto, ngā whanaunga o roto.

Hei te Wenerei kawea atu te whakaari nei ki Rotorua.