Ko ngā rōpū pēnei i a Para Kore ka whai hua i te hikinga utu whakaputu para ki te whenua i whakapuakitia i tēnei wiki. Mā te pūtea whakahaere para a te kāwanatanga e whai huruhuru ai ngā iwi me ngā rōpū hapori e ngana nei ki te tiaki i a Papatūānuku.
E ai ki te kaiwhakahaere o Para Kore, ki a Jacqui Forbes, ko ngā para a te tangata kotahi kua nui huarua ake nō te tau 2010.
“It’s the best thing ever and is the one single most effective tool to decrease waste.”
I te Hereturikōkā, i whakaaetia kia riro i a Para Kore te $528,000 i te Kāwanatanga ki te whakawhānui ake i āna hōtaka i runga i ngā marae ki ētahi rohe hōu e whā.
Ko te pūtea hōu i whakapuakitia e te Minita Āwhina i ngā Take Taiao, e Eugenie Sage ka whai kia heke iho te nui o te para me te whakakipakipa i ngā rōpū pēnei i a Para Kore ki te whakawhānui i ā rātou mahi.
“Imagine if we had a nation where every town or every suburb had their own resource recovery centre.”
Ko te $10 mō te tana kotahi i tēnei wā ka piki ki te $50, ki te $60 rānei mō te tana kotahi hei te puku o te tau 2023.
I roto i te tono a te kāwanatanga, kei te Pūtea Whakaiti Para pea ngā miriona tāra hei tautoko i ngā Kaunihera, i ngā rōpū hapori, pakihi hoki ki te whakaheke i te nui o te para ka putua.
E tūmanako ana a Richard Hills o Te Kaunihera o Tāmaki, Heamana hoki o te Komiti Take Taiao, Āhuarangi hoki, ka kore e tino raru ai te tangata i ngā utu.
“People are putting out less waste and the price is going up - it could end up evening out,” te kī a Hills.
Nā te utu hōu, ka hiki pea te utu mō ngā pēke para i taha o te rori mā tōna 33 heneti. Heoi, kei tēnā kaunihera, kei tēnā kaunihera te tikanga.
“We can work with the Government to make sure that if they're imposing this levy which we support because it's about reducing waste that they're also thinking about that cost on vulnerable people in our community.”