“Ko te tumanako ka pānuihia e te katoa” – Koia te akiaki a Juneea Amohia Silbery, tētahi o ngā kaiwhakamāori i te kōmeke Ngāti Rānaki me te Ranga-Tipua.
Nā Juneea rāua ko tana hoa rangatira a Te Korou Whangataua te kōmeke nei i whakamāori, he pekanga o te kaupapa kotahi rau pukapuka i kōkiritia i ngā tau kua hori. Ko tā Juneea, ēhara i te mea mō ngā rangatahi noa ngā kōmeke nei. “Ko te tumanako ia, ka pānuihia e te katoa. Rangatahi mai, pakeke mai”.
Ahakoa te pārekareka o te whai nei ki ngā kaiwhakamāori, he auautanga hoki o te whakamāori Komeke. “Me hāngai te wairua o te kōrero, me kapi katoa i te kaiwhakamāori te tikanga o te kōrero i tētahi momo mirumiru iti noiho nei” tā Korou.
Ko te whakamāori i ngā kiriata, pukapuka, waiata pākehā hoki, tētahi āhuatanga kua kaha kitea i ngā tau tata nei. Ā ko tā Juneea, he painga tā te tō mai i ngā kōmeke, kei te ngākau nui kē te hunga rangatahi. “Kua nui ngā kiriata ā Marvel, I ēnei tau tekau kua hori ake nei, nōreira kua whakatakotoria te tuāpapa o te kaingākautanga ki tēnei kaupapa, i mua rā nō, nā ko te tō mai i ērā āhuatanga ki te ao Māori.”