“Kāore au i te tino riri,” koinei te whakautu a Takuta John Armstrong ki te mahi tūkino o tētahi, o ētahi nanakia rānei, i patua i āna hipi.
E rua ngā hipi kua patua, kua whanakohia ki te pāmu o te whānau Armstrong.
Inanahi ka haere au ki te tirotiro ki aku hipi ki te pātītī, ā, ka kite au i ētahi o ngā puku ō ētahi hipi i roto i te pātītī, hei tā Takuta Armstrong anō.
“Ko ētahi tāngata i whai i a rātou, ā, ka whai i tētahi kokona o te pātītī, ā, ka mau, ka werohia pea,” hei tāna.
Kei te kokona o te Huarahi o Te Ngae me te Huarahi Matua Toru Tekau e ahu atu ana ki Whakatāne te pātiki hipi o te whānau Armstrong ki Tikitere i Rotorua.
I Tāmaki Makaurau te whānau Armstrong i ngā rangi okioki ki te whakanui i te rā whānau o tētahi o ngā mokopuna.
I tēnei wā, kāore anō te whānau kia kaute i te katoa o ā rātou hipi, ka oti tērā mahi hei akuanei kia mōhio pai ai rātou i te nui o te raruraru.
“Ka hoatu mātou te whānau i a mātou hipi ki ngā whānau, ki ētahi tangihanga me ngā kaupapa marae hoki,” hei tāna anō.
Kāore anō hoki rātou kia whakapā atu ki Te Tari Pirihimana.
