Ka hōki mai te iwi mana whenua o Ngāti Tupoho ki tōna pā tupuna kia marire ai te whakatau o te rangahauraro me te rangahaurunga.
Kua 28 tau tēnei kaupapa e tū ana ki Whanganui me kore whai tautoko, tangata rānei mō te whakaritenga tiriti mō Pākaitore.
“Me kī kua huri te tai, kua tae te wā ki te whakaako i ngā kātū āhuatanga i tū ki konei i te tau 1995 ki ngā tāngata katoa o Whanganui,” hei tā Manahi Cribb, Te Ātihaunui ā Pāpārangi.
"Heti nō kua roa nei te kaupapa e āta moe ana, ko urutā te take, oti nō i tēnei tau tonu, I rewa anō te ngākau nā te rongo i te wairua tau o te hui ki runga o Pākaitore 2023,” hei tā Cribb.
I te 28 o Pepuere 2023, matohu ana i te kaupapa i tōna tau mauri o te maramataka Māori ki te whenua e kī a nei ko Moutoa, e noho taha ana ki te awa o Whanganui.
"I whakaingoatia e te pākeha me te kūpapa o aua rā ko Moutoa. He kōrero anō ēnei ka kōrehia ā tōnā wā. Koinei pū te take hoki mai ai te iwi," hei tā Cribb anō.
“Arā te hua o te patu i ōku tūpuna, kei kōnei mātau e tū tonu nei i runga i te whenua Māori o Pākaitore,” hei tāna āno.
Ko Whanganui Nui Tonu ngā kaikawe rurukū i te ata hāpara kia muru i ngā hara i ngaukinotia ki te pā tāwhito Pākaitore, ā, ko Whanganui Nui Tonu tērā e arahi i ngā whakaritenga o te rā.
Ka kāhui tāhi ngā iwi, ngā Kura Kaupapa Reo Māori me ngā Kohanga Reo Māori kia tuku atu i ngā karakia, ngā waiata kia rātou i porotēhi i aua wā mō te mana o te whenua o Ngāti Tupoho.
Ko te manako o aua wā kia whakatūria he whare whakaruruhau ki Pākaitore mō te rangahaurunga kia mārire ai tā rātou noho, kia whai pānga ngā iwi ki te tūhono hei iwi kōtahi o Pākaitore..
Ko te māia me te mōhio e rongo i te wairua o ngā hunga ririki me te korenga o ētahi kanohi o mua, ko te rongo hoki i te whakakōtahitanga o te iwi ki runga i te ngākau pai.
