Nā Puawai Hudson | Te Ia Ka Oho
Kua tū te wānanga tuatahi o Te Whare Kōrero o Ngāruahine ki Taranaki e aro ana ki te whakarauora me te whakatenatena i te reo Māori ki ōna uri whānui.
Kua whai hononga te kaupapa nei ki Te Whare Wānanga o Āwanuiārangi i tēnei tau, kia whai tohu reo Māori ngā tauira o tēnei iwi.
“He āhuatanga pai, he āhua pai. Ki au nei whakaaro, ko te aroha, ko te aroha o te reo,” hei tā Russell Hockley o Ngāruahine.
“Ko te kōrero i te reo i roto i te kainga i ngā wā katoa o Ngāruahine. Ko tērā te wero,” hei tāna.
“Ko te reo, ko ngā kīwaha, ko ngā whakataukī, he kōrero i ngā wā katoa. Ko ngā kaupae e toru i hoki mai ki te pā o Kānihi.”
Ko Hockley tētahi o ngā uri kotahi rau kua uru atu ki tētahi o ngā kaupae ako reo tahi, toru me te whā o te kaupapa. Kei te kaupae tuawhā a Hockley nō te mea e manawanui ana ia ki te whakapakari i tōna reo hei reo whāngai ki āna tamariki.
Ko Katrina Taylor te pouako mō te Kaupae tuatahi, ā, ko tētehi o ngā whainga nui tā ngā pouako ko te āki me te poipoii ngā uri o Ngāruahine ki te kōrero i te reo Māori, ahakoa itiiti nei.
“Kia hoia tēnei waka reo ki uta ki roto ia Ngāruahine nui tonu,” hei tā Katrina.
“Ko te marae te wāhi me rongo ai tātou katoa i te reo Māori e rere ana. Koirā ko ngā whainga matua o te wānanga,” heitāna anō.
Ka tū te wānanga tuatahi ki Pā o Kanihi i Taranaki ki te Tonga, ā, ka whakaahaerehia anōtia ai e Te Whare Kōrero o Ngāruahine i tētahi atu wānanga reo hei te aranga mai o Matariki me Puanga.
