Ko ASD Dads (Autism Spectrum Disorder Dads), he kaupapa e whai nei kia hanga wāhi haumaru mā ngā mātua o ngā tamariki kua pāngia e te takiwātanga.
Nā Jordan Ikitule te rōpū i tīmata hei kaupapa e whakawhiti whakaaro ai, e whakawhiti wheako ai ngā pāpā e rite ana ki a ia.
“Me nui ake te tautoko mā ō tātou whānau i te hapori e whai tamariki ana kua pāngia e te takiwātanga,” hei tāna.
E 31 tau te pakeke tēnei pāpā ki ngā tamariki e rua, i wehe i tāna mahi hei kaitohutohu whiwhi mahi, ki te whai i tēnei kaupapa, i tana kitenga atu, i nui te hiahia ki ngā rōpū hapori, pēnei ki ASD Dads.
“He tāngata e pātai mai ana huri i te motu ki te whakatū rōpū ki Kirikiriroa, ki Ōtepoti, ki Ōtautahi, ana, kei te whiwhi karere hoki mātou i ō mātou whanaunga i Ahitereiria.”
”E rima tau te pakeke o taku tama, he kore kupu ia, arā, he kore kōrero ia. He āhua uaua te whakawhiti kōrero, ka mutu, kei te mau kope tonu ia.
Ā koinei ngā momo wero e oti ai i tō taenga tōmuri ki te mahi, me te aha, he āhuatanga ēnei ka pā mai pea i ia rā - he āhuatanga kei tua i tā mātou e taea ana te whakahaere.”
