Kua tū ngā pihi o ngā hapū o Whangārei ki te tono a te kamupene a McCallum Bros, kia keria te 8.45 miriona mita pūtoru o te onepū ki Ruakākā, ki Waipū, me te papa moana ki Te Whanga-a-Tāmure ki Te Tai Tokerau.
Ka mutu, he porotēhi ka tū ki Whangārei hei whakahē i te tono kua tāpaetia e McCallum Bros ki raro i te pire whakahohoro whakaaetanga.
I te Oketopa o tērā tau, whakapuakina mai ai te rārangi o ngā kaupapa tūāhanga kua whakaaetia e te Kāwanatanga, ā, ko te tono a McCallum Bros tētahi o ngā kaupapa 149.
Hai tā tētahi māngai o te rōpū Ngā Hapū o Whangārei, tā Ngawaru Munroe, ko hauora o ngā taonga Māori kei te toi o ngā whakaaro.
“Kia tū kotahi ai tātou, kia manaaki tonu ai ngā taiao, ngā taonga katoa o tātou.”
“We must unite to safeguard our environment and all sacred treasures.”
Stop Sand Mining in Bream BayA call to hapū and ahikā o te kāinga to stand in solidarity against sand mining in Ruakākā, Waipu and Langs Beach. Meet at Gull Sunday 26 Jan, 8am to prepare! #StopSandMining #ProtectMoana #ProtectTaiao #TūKotahi
Posted by Nga Hapu o Whangarei Terenga Paraoa on Tuesday, January 14, 2025
Ka noho ko te hauora o te moana hei papa
E whakapono nui ana ngā hapū o te takiwā nei, ko te keri onepū, ka patu kinotia te tini a Tangaroa, pērā i ngā ika, inanga, tohorā anō hoki.
Ko te tohorā tētahi tipua rongonui ki ngā hapū o Whangārei, waihoki, ko tōna ingoa tūturu o Te Whangārei Terenga Parāoa, arā, ko te huihuinga mai o te kāhui tohorā.
Hai tā Munroe, inā ka keria te onepū, korekau he wāhi tō ngā mana whenua ki te tiaki i ngā tīpuna nei.
“An example is our tohorā, which Whangārei Terenga Parāoa is a meeting place for our tohorā. In recent years in our kaitiaki mahi that we have been managing, we’ve noticed the return of our taonga species and if this mahi continues, our future generations will miss out on the chance of being tiaki for our tuakana, taonga species.”
Ko te onepū hangahanga te ‘ora kāinga rua’
He wāriu nui tō te onepū ki Te Whanga ā-Tāmure, inā rā, Ko te onepū tētahi wāhanga nui o te raima, hai ngā huarahi, hai hanga whare, hai aha atu rānei. Engari, ko te mate kē, ko ngā pānga kikino ki te taiao.
Hai tā ngā hapū, arā noa atu ngā rawa pai ake i te onepū i ahu mai i te papa moana, ko te onepū hangahanga tētahi.
Political opposition to taking sea floor sand from Bream Bay for the next 35 years is mounting. Our communities are coming together to fight for our sand and the health of our coast. Hear Greens Huhana Melanie Lyndon’s reasons for saying NO!
Posted by Emma Hart on Monday, January 13, 2025
Ko te onepū hangahanga, he tūmomo toka kua nakunakuhia, ko te tokapata tētahi o ngā toka ka whakamahia hei onepū hangahanga.
Te urupare a McCallum Bros LTD - kua kōrero kē ki ngā hapū.
Hai tā tētahi māngai o te kamupene McCallum Bros Ltd, kua kōrero kē rātau ki ngā hapū o Whangārei, arā, ki a Te Parawhau, ki a Patuharakeke anō hoki.
“We remain open and transparent with our relationship with kaitaiki who we have engaged with and have been proactively sharing our findings from the assessment of effects reports as they are received and finalised.
“We consider we have taken meaningful steps to address their concerns, including our attendance to an induction day with the Patuharakeke Environment Team by our experts and company/family members so that the proposal could be tailored to address their issues and understand their values.”
Ka mutu, he nui atu ngā hua pai i ngā hua kikino.
“The proposed volume of sand extracted from the Te Ākau Bream Bay will supply the construction sand requirements for Northland, Tāmaki Makaurau Auckland, Waikato, and the wider upper North Island. Sand is an essential construction material and is primarily used in the manufacture of concrete. The concrete could well be used for housing foundations to support whānau living in these areas into their own whare.”
Hai te 26 o tēnei marama porotū ai ngā hapū o Whangārei kia aukatihia ngā mahi, ā, he petihana kua waihangatia mai e rātau.
