Kei te tautoko te kaiarahi takirua o Te Pāti Māori, a Rāwiri Waititi, i a John Minto, me tana whakatū i te ratonga wāea, arā. ko te ‘Genocide Hotline.’
Nā Minto, hia o te rōpū Palestine Solidarity Network, te ratonga wāea i whakatū, ka mutu, ko tā te ratonga nei, he akiaki i a tūmatanui mā kia puakina ngā hōia nō Iharaira, kei Aotearoa e noho ana.
E ai ki a Waititi, kāore tana rōpū tōrangapū i te whakaae, kia haramai ngā hōia no Iharaira ki Aotearoa, hararei ai.
“Ka roa ia e whawhai ana mō ngā take nui e au pēhi nei i ngā iwi taketake puta noa.
“Kāore au e tino mōhio ana te hotline, engari, ko tā Te Pāti Māori, ka roa mātou e mea ana, me sanction mai a Israel ki Aotearoa.”
“Mehemea he hōia nō Israel ki konei, kāore mātou e tautoko ana ki tērā āhuatanga. Ka tautoko i te ia o te whakaaro (ō Minto), mō ngā hōia o Iharaira, mehemea kei konei.”
Kei te māharahara Te Amokapua Tika Tāngata, a Stephen Rainbow, i ngā hua kino ka tūpono pā ki tētahi.
“The primary concern is really around the precedent that this creates in terms of encouraging people to indulge in behaviours which could lead to some tragic consequences.
He nui te whakahē a te pirimia tuarua, a Winston Peters. Engari, ko tā Waititi, me kaha kē ake tā Aotearoa hāmene i te māngai kāwanatanga o Iharaira."
John Minto’s call to identify people from Israel holidaying in New Zealand via a ‘dob them in hotline’ is an outrageous show of fascism, racism, and encouragement of violence and vigilantism.
— Winston Peters (@winstonpeters) January 27, 2025
New Zealand should never accept this kind of extreme totalitarian behaviour in our…
“Ka roa mātou e kī nei, me aukatingia a Iharaira ki tō mātou whenua, pērā anō i te Ambassador o Iharaira.”
“Kāre mātou e whakaae ana, kia haere mai ngā hōia o Iharaira ki tēnei whenua.”
Te pire mātāpono o Te Tiriti
I mihi nuitia ngā kaiwhakahē i te pire, e Waititi, i te kounga o ngā kōrero i tukuna ki te komiti whiriwhiri.
Engari, he kupu tāunu i te hunga whakaae kua puta i a Waititi
“Tētahi, ko ana kōrero i puta, kei te mataku ia ki te Iwi Māori. Mo te aha kē hoki?”
“Koinā te painga o te hunga, ki a Act, me te hunga e tautoko ana i a rātou, pērā anō i a Hobson’s Pledge, pērā anō i te Atlas Network, he ngāwari ake tā rātou kuhu ki ngā tāngata pērā.”
“Whakamataku i a rātou e mea ana, he kēhua kei raro i te moenga, he kēhua kei roto i te kāpata, ko te iwi Māori tēnā.”
“Koinā hoki te pai o Te Tiriti o Waitangi, ka tarea te aukati i ērā tūāhuatanga ki roto i ngā kōti, ko te Tiriti o Waitangi te taiapa tūtaki.”
