Hei tā Tukoroirangi Morgan me whakahoki atu te tari a te Kiingi kia aro anō i te mararā o te iwi, mēnā ka kitea he hē, i te kimihanga i roto i te Tari a Te Kīngitanga a Te Tari Hara Tāware i te rā nei.
Tērā anō ngā āwangawanga a te kaikōrero o mua mō te Kiingi.
“Ko te tino hua ki ahau nei, kia āta tirohia mēnā he hara i konā. Mēnā he hara nui kei konā, ka waiho mā te ture e patu. Mā te ture anō e whakatutuki ki tōna otinga,” te kī atu a Morgan.
“Ko te mea nui kia āta mārama katoa mātou o Te Kiingitanga kei whea mātou e tū ana i roto i tēnei take. Take nui tēnei. Ko taku arohanui ko ngā tūkinotanga ka hoki mai ki te ngau i te Kiingi i te Kiingitanga.”
I tēnei wā hei tā Tuku anō, kotahi anō te huarahi hei whai ki te kitea he hē.
“Whakahoki atu te tari a te Kiingi kia aro anō i te mararā o te iwi. Mā te iwi tonu e āta tiaki e āta whakahaere. Kaua e waiho kia tū motuhake tēnei tari ā muri ake nei, mēnā e tika ana ngā whakapae.”
Kāore anō hoki tētehi hāmene kia whīua ki runga i tētehi.
Hei tā tētahi kaikōrero mō te Kingi, hei tā Taa Wira Gardiner, āe marika i tae atu te Tari Hara Taware ki te tari o te Kingi ki Hopuhopu i Ngāruawāhia ki te raki, i ngā haora o te ata nei.
"They (SFO) had removed documents and some hard-drives relating to an individual investigation that they're carrying out," i mea atu a Gardiner.
“I can’t comment any further given that I’m not too sure what the allegations are or where the investigation will go and in time the Serious Fraud Office will conduct their investigations and we’ll know what the outcome will be.”
Te ahua nei he kaupapa tēnei i whai ake i ngā whakapae o mua.
Tuatahi te whakapau moni ā-iwi ki te poka puku. Ahakoa kua whakamanahia, e noho wahangū tonu ana ko wai te tangata.
Tērā te āhuatanga mō te pono o te tūnga o Te Tarahiti o Ururangi hei rōpū atawhai.
I tēnei wā kua whakamoea te tūnga.